काठमाडौं । बलिउड अभिनेता सलमान खानलाई प्रत्यक्ष देख्न लालायीत फ्यानहरुलाई थप निराश पार्ने भएको छ कारण जेठ १२ गते हुने भनीएको नेपाल दबंग टुर पूनः स्थगीत भएको छ ।कार्यक्रम आयोजक ओडिसी इन्टरटेन्मेन्टले आफ्नो आधिकारिक फेसबुक पेजमार्फत् यो कुराको जानकारी दिएको छ ।
यसअघि बैशाख २६ गते आउने भनीएको कार्यक्रममा बिप्लप पार्टीले दिएको धम्की पछि शुरक्षाको कारण देखाउँदै कार्यक्रम स्थगीत गरीएको थियो ।यसपटक हुन लागेको मितिमा पनि कार्यक्रम स्थगीत भएपछि सलमान नेपाल आउने नआउने अन्यौल देखिएको छ ।यद्यपी आयोजक ओडिसीले भने दर्शकहरुलाई आफ्नो टिकट शुरक्षीत राख्न आग्रह गरेको छ ।ओडिसीले सलमानको नेपाल भ्रमण विशेष कारणवश स्थगित गरिएको भनेपनि रेस ३ रिलिजको संघार,दशका दम को धमाधम चलिरहेको सुटिङ र चाँडै भारत फिल्मको सुटिङ सुरु हुन लागेका कारण सलमान नेपाल आउन नसकेकाे बुझिएको छ।
ओडिसीले सलमानको नेपाल भ्रमणकाे चाँडै नयाँ मिति घोषणा गर्ने बताएको छ ।कार्यक्रमका लागि सलमानले दबंग टुरका लागि ४ करोड बढी रकम लिएको बताईएको छ ।
यो समाचार न्युज २४ नेपालबाट लिईएको हो ।
