काठमाडौं । पछिल्लो समय युवापुस्तामाझ रुचाइएका नायक अनमोल केसी अभिनेत्री झरना थापाको नयाँ प्रोजेक्ट ए मेरो हजुर ३मा अनुबन्धीत भएका छन् ।झरना नयाँ प्रोजेक्ट ए मेरो हजुर ३मा अनमोललाई अभिनय गराउने लामो प्रतिक्षामा थिईन् हालै अनमोलले उनको फिल्ममा खेल्न तयार भएपछि उनलाई सो मौका जुरेको हो ।प्रायः अनमोलले अभिनय गरेका फिल्महरुले बजारमा राम्रो छाप छाड्ने र आय आर्जन गराउर्ने हुँदा समय लिएर भएपनि आफ्नो फिल्ममा उनैलाई अभिनय गराउन चाहन्छन् निर्माता तथा निर्देशकहरु ।
अनमोल कुनै पनि फिल्ममा साईन गर्नासाथ त्यस फिल्मले चर्चा पाउन शुरु हुनुको साथै आम दर्शकमा जिज्ञासा हुन्छ कि उनले कति पारीश्रमीक लिए, उनको अपोजिटमा को नायिका होलिन भन्ने ।झरना थापाको नयाँ प्रोजेक्ट ए मेरो हजुर ३मा झरना पुत्री सुहानी नायिका हुने पक्का भएको छ ।त्यस्तै अनमोलले यस फिल्ममा ३० लाख पारीश्रमीक लिएको चर्चा चलेको छ यदी यसो हो भने अनमोल हाल सम्मकै महंगा नायक बनेका छन् ।हालै फिल्म रोजीको शुटींगमा ब्यस्त नायक प्रदिप खड्काले उक्त फिल्मका लागि २५ लाख पारीश्रमीक लिएको खवर बाहिरीएको छ यद्यपी उनले यसबारे मुख खोलेका छैनन् ।
अनमोल केसी र नायक प्रदीप खड्काको पारीश्रमीकको विषय निकै प्रतिस्पधात्मक देखिन्छ ।नायक अनमोलले कृ खेलेबापत २० लाख लिएका थिए भने प्रदीपले लिलिबिलीबाट २२ लाख लिई सवैभन्दा महंगो नायक बनेका थिए तर पछिल्लो समय अनमोलले फिल्म ए मेरो हजुर ३मा ३० लाख पारीश्रमीक लिएको खवर सँगै नायक अनमोल केसी हालका लागि सर्वाधिक महंगा नायक बन्न सफल भएका छन् ।
यो समाचार न्युज २४ नेपालबाट लिईएको हो ।
