काठमाडौं । फिल्म ‘पण्डित बाजेको लौरी’को नयाँ गीत सार्वजनिक भएको छ । काठमाडौंमा आयोजित एक पत्रकार सम्मेलनमा फिल्मको निर्माण पक्षले ‘चोली तुना’ बोलको नयाँ गीत सार्वजनिक गरेको हो । कृष्ण केसीको शब्द र श्रीकृष्ण बम मल्लको संगीतमा यो गीतलाई मिना निरौला र श्रीकृष्ण बम मल्लले स्वरबद्ध गरेका छन् । भिडियोमा विक्रम स्वारको कोरियोग्राफी रहेको छ ।
फिल्मको सार्वजनिक यस गीतमा अभिनेत्री सन्ध्या केसीलाई फिचरिङ गरिएको छ । सन्ध्याकी साथमा प्रविण खतिवडा, बिजय बराल, भोलाराज सापकोटा, मरिष्का पोखरेललाई पनि गीतमा देख्न सकिन्छ ।
फिल्ममा मित्र डी गुरुङको सम्पादन र विदुर पाण्डेको छायांकन रहेको छ । फिल्मलाई थमन कुमार भण्डारीले निर्माता गरेका हुन् भने सह-निर्माताको रुपमा किशोर खड्का रहेका छन् । फिल्मलाई दिपक वलीले निर्देशन गरेका हुन् ।
फिल्मले बाहुन प्रथा विरुद्ध व्यङ्ग्य गरेको बताइएको छ । फिल्मका निर्देशक वलीले सामाजिक कथालाई रमाइलो तरिकाले प्रस्तुत गरेको बताएका छन् । यो फिल्म आगामी साउन ४ गतेबाट दर्शकमाझ रिलिजमा आउँदैछ ।
[youtube https://www.youtube.com/watch?v=94y_5n0sBzU]
यो समाचार न्युज २४ नेपालबाट लिईएको हो ।
){kind=link}