एजेन्सी । बलीउड नायिका दिशा पटानीलाई अधिकांश समय ज्याकी श्राफका छोरा नायक टाइगर श्राफसँग हिंडेकाे देखिन्छ । दुवै जनाको सम्वन्धलाई लिएर धेरै पटक अनेकौं खवरहरु बाहिरीयतापनि यी जोडी मौन रहेका थिए ।तर पहिलोपटक दिशा स्वयंले आफुहरुको सम्वन्धबारे मुख खोलेकी छिन् ।उनले हिन्दुस्तान टाईम्स्लाई दिएको अन्तरवार्तामा आफ्नो टाईगरसँग सम्वन्ध रहेको स्वीकार गरेतापनि उनले घुमाउरो पारामा आफुहरु साथीमात्र रहेको अभिब्यक्ती दिएकी छिन् ।
दिशाले भनेकी छिन् ‘मलाई थाहा छ फिल्मी ईन्डस्ट्रीमा हामी दुई बिचको सम्वन्धबारे निकै चर्चा चल्ने गरेको छ तर के कुनै दुई साथी मस्ती रमाईलो गर्न चिया कफी खान कहीं भेट्न सक्दैनन् , हुनत मान्छेहरुलाई हाम्रो बारेमा लेख्न मन लाग्छ सायद यसकै कारण कत्तिको रोजीरोटी चलेको छ यसकारण म पेटमा लात मार्न चाहँदिन ।’
तेलुगु फिल्मबाट बलीउडमा प्रवेश गरेकी दिशा छोटो समयमै चर्चामा आउन सफल रहीन् ।सन् २०१५मा क्याडबरीको विज्ञापन गरी स्क्रीनमा देखिएकी दिशाले लगत्तै तेलगु फिल्ममा काम गर्ने अवशर पाईन् ।बलिउडमा भने दिशाले सन् २०१६मा फिल्म एमएस धोनीमार्फत डेब्यू गरेकी हुन् ।हालसम्म दिशाले कुंग फू योगा, वेलकम टू न्यूयेार्क,बाघी जस्ता फिल्ममा काम गरीसकेकी छिन् ।
यो समाचार न्युज २४ नेपालबाट लिईएको हो ।
