काठमाडौँ । नायिका तथा निर्माता रेखा थापाको फिल्म ‘मालिका’ छायाँकन सकिएको छ । अहिले उनी फिल्मको प्रचार प्रसारमा लागेकी छन् । रेखा बुधबार रुकुमको चौरजहारीमा फिल्मको पुगिन् ।
चौरजहारीका दर्शक आफ्नो पछिल्लो फिल्मलाई लिएर निकै उत्साहित भएको बताइन् । रेखाको आफ्नै निर्माण, निर्देशन तथा अभिनय रहेको ‘मालिका’ मा जाजरकोटकी कमला ओली मुख्य भूमिकामा प्रस्तुत भएकी छिन् । नर बहादुर कार्की निर्माता रहेको ‘मालिका’ को कथा पनि उनैको रहेका छन् । शिवम अधिकारी फिल्मका स्क्रिप्ट राइटर हुन् ।
यस्तै फिल्ममा रामशरण उप्रेतीको छायाँकन र सुरेश अधिकारीको संगीत छ । कोरियोग्राफी रामजी लामिछानेले गरेका छन् । द्धन्द्ध निर्देशन श्री श्रेष्ठको छ । ‘मालिका’ मा निर्माताको रुपमा सरस्वती थापा र तारा थापाको नाम छन् । फिल्म ‘मालिका’ बाल बिबाह अन्त्य र महिला शशक्तिकरणको विषयमा केन्द्रित छ । फिल्मको छायाँकन जाजरकोट सहित काठमाण्डौं, बनेपा, बाँके लगायत क्षेत्रमा गरिएको छ ।
तिहारमा रिलिज हुने ‘मालिका’मा रेखा सँगै जाजरकोटकी कमला वलीको पनि मुख्य भूमिका रहेको छ । सामाजिक चेतनासँग जोडेर रेखाले ‘मालिका’ को भव्य प्रचार प्रसार गर्ने योजना बनाएकी छन् ।
यो समाचार न्युज २४ नेपालबाट लिईएको हो ।
