नेपाल समाचारपत्र, म्याग्दी ।
म्याग्दीको मंगला गाउँपालिका–२, हिदीमा भरुवा बन्दुकसहित एकजना पक्राउ परेका छन् । प्रहरीचौकी बाबियाचौरबाट गएको प्रहरी टोलीले शङ्कास्पद व्यक्तिहरुको घरमा चेकजाँच गर्ने क्रममा हिदीका दलबहादुर पुनलाई पक्राउ गरिएको जिल्ला प्रहरी कार्यालय म्याग्दीले जनाएको छ ।
पुनको घरको कुनामा लुकाइछिपाई राखेको अवस्थामा विना लाइसेन्स रहेको अवैध एकनाले भरुवा बन्दुक एक थान र दुर्लभ जनावरको जस्तो देखिने सुकाइएको ८ ओटा लहराको मासुसहित उनलाई पक्राउ गरिएको प्रहरी निरीक्षक दिपक महत क्षत्रीले जानकारी दिनुभयो ।
उहाँका अनुसार पक्राउ परेका पुनलाई प्रहरी हिरासतमा राखेर थप अनुसन्धान भैरहेको छ ।
यो समाचार न्युज अफ नेपालबाट लिईएको हो ।
