काठमाडौं । सामाजिक सञ्जालमा भाईरल बनेका नितेश राईको पहिलो गीत रेकर्ड भएको छ । राजेश पायल राई, प्रेम परियार, प्रमोद खरेल जस्ता बहु चर्चित गायकहरुको गीत जस्ताको त्यस्तै गाउन सक्ने गायक नितेश राई सामाजिक सञ्जालमा भईरल छन् ।
नितेश राईको रेकर्डिङ्गको पहिलो दिन मै दुई गीत रेकर्ड भएको छ । वरिष्ठ संगीतकार तथा गायक शिव संगम राईले नितेश राईको लागि गीत रेकर्ड गर्ने वातावरण मिलाएका हुन् । नितेशले संगीतकार तथा गायक शिव संगमकै शब्द रचना तथा संगीतमा ‘नाकवेली चुल्ठो माथि’ र ‘यो मन तिम्रै’ बोलको गीत एकैदिन रेकर्ड गरेका हुन् ।
रेकर्ड सम्पन्न भएको पहिलो गीत ‘नागवेली चुल्ठो माथि’को शब्द रचना तथा संगीत शिव संगम राईले गरेका हुन् भने यो गीतको एरेन्ज सुन्दर लामाले गरेका छन् ।
यसैगरी नितेशको अर्को गीत ‘यो मन तिम्रै’को शब्द रचना कल्पना सापकोटाले गरेकी हुन् भने यो गीतको शब्दमा संगीत भर्ने काम शिव संगम राईले नै गरेका छन् । सुन्दर लामाकै एरेन्ज रहेको यो गीतमा भने अहिलेका बहु चर्चित गायिका मेलिना राईले नितेश राईलाई साथ् दिएकी छन् ।
संगीतको कुनै पनि औपचारिक शिक्षा नलिएका गायक नितेश राई आफूलाई जुनसुकै गीत गाउने क्षमता राख्छन् । कुनै पनि गीतलाई २,४ पटक सुनेपछि सहज तरिकाले त्यस गीत गाउन सक्ने क्षमता भएको गायक हुन् नितेश राई ।
गायक तथा संगीतकार शिव संगम राईसँगै बसेर गीत रेकर्ड गराई रहेका गायक नितेश राईलाई गीत रेकर्डिङ्गको लागि दुबईमा रहेका दिपक राईले सहयोग गरेका छन् भने एउटा गीत संगीतकार शिव संगम राईले नै सहयोग गरेका हुन् । दुबईमा रहेका दिपक राईले गायक नितेश राईलाई एउटा गीत स्पोन्सरको अलावा नितेश राईको पढाईको लागि भनेर रुपैयाँ १० हजार सहयोग गरेका छन् । सो रकम रेकर्डिङ्गकै क्रममा पत्रकारहरुको उपस्थितिमा नितेश राईलाई हस्तान्तरण पनि गरिएको थियो ।
रेकर्डिङ्ग सम्पन्न भएको गीत केहि समयपछि सार्वजनिक गरिने पनि संगीतकार तथा गायक शिव संगम राईले बताएका छन् ।
[youtube https://www.youtube.com/watch?v=lpzYJ754Q-o]
यो समाचार न्युज २४ नेपालबाट लिईएको हो ।
