ललितपुर(नेस)
ललितपुर महानगरपालिका क्षेत्रका विभिन्न टोल र वडामा क्रियाशील महिलाहरु मध्ये ११ वटा महिला समूह लगातार उत्कृष्ट भएका छन् ।
ती महिला समूहहरुमा वडा–२ का श्रृष्टि महिला समूह, वडा – ३ का रजक महिला समूह, ४ को इकुहिटी महिला समूह, ६ को वैशवर्ण महिला समूह, ९ को च्यासल महिला समूह, १२ को भिन्द्योलाछी महिला समूह, १६ को नकबहीन मां पुच,१६ को मणिमण्डप मिसा पुचः,१६ को न्ह्याकंबहील मिसा पुचः,२० को स्वंग चिभा मिसा पुचः र २० को मिखाबहाल महिला समूह रहेका छन् ।
वर्षभरि जनचेतनामूलक गतिविधि, सक्रियता, संगठन व्यवस्थापन लगायत विभिन्न आधारमा उत्कृष्ट घोषित गरिएको महानगरपालिका समाजकल्याण महाशाखाको महिला समूह हेर्ने जिम्मेवारी लिइरहनुभएका ज्ञानीशोभा महर्जनले जानकारी दिनुभयो । महानगरपालिकाका आबद्ध महिला समूह करिब २ सय ५० रहेका छन् ।
एक समारोहकाबीच ती महिला समूहलाई महानगरपालिकाका प्रमुख चिरिबाबु महर्जनले प्रमाणपत्रसहित पुरस्कार प्रदान गर्नुभयो ।
यो समाचार न्युज अफ नेपालबाट लिईएको हो ।
