काठमाडौँ । चर्चित युवास्टार अनमोल केसी नेपालमा सबैभन्दा बढी पारिश्रमिक लिने कलाकार भित्र पर्छन् । तर अनमोल बिना पारिश्रमिक स्टेजमा उर्तिने भएका छन् ।
भदौमा ’अनमोल साँझ २०१८’ आयोजना हुन लागेको छ । उक्त कार्यक्रमको लागि अनमोलले कुनै पारिश्रमिक नलिने बताए । पत्रकार सम्मेनलमा आयोजक मोनिका इन्टरनेशनल ग्रूपले ’अनमोल साँझ २०१८’बारे जानकारी गराएको थियो। अनमोलले अहिलेसम्म सामाजिक कार्यका लागि भनेर कुनै काम नगरेको बताउदै याे उनको लागि ठुलो अवसर भएको बताए ।
अनमोलले पहिलो पटक आफ्ना प्रशंसकसँग प्रत्यक्ष भेट्ने अवसर पाउन लागेकोमा खुसी व्यक्त गरे । भाद्र ९ गते बुटवल, भाद्र १६ गते पोखरा, भाद्र २३ गते चितवन र बिर्तामोडमा भाद्र २७ गते उक्त कार्यक्रम हुने आयोजक संस्था मोनिका इन्टरनेशनल ग्रूपका अध्यक्ष कमल जिसीले जानकारी दिए। चारवटै कार्यक्रममा अनमोलले नृत्य तथा गायन प्रस्तुति दिनेछन् ।
कार्यक्रमले आन्तरिक पर्यटन प्रवर्द्धन, कला संस्कृतिको संरक्षणमा महत्त्वपूर्ण भूमिका निभाउने तथा नेत्रहिन महिला सङ्घ नेपाललाई सहयोग गर्ने उद्देश्य लिएको छ ।
यो समाचार न्युज २४ नेपालबाट लिईएको हो ।
