काठमाडौं । फिल्म ‘पण्डित बाजेको लौरी’को ट्रेलर सार्वजनिक भएको छ । यस फिल्मको सार्वजनिक ट्रेलरमा ‘बादी’ सामूदायको कथालाई प्रस्तुत गरिएको छ ।
यो फिल्ममा अभिनेत्री सन्ध्या केसी बदिनी बनेकी छन् । त्यस्तै विजय बराल बादीको भूमिकामा देखाईएको छ । फिल्ममा विजय पेट पाल्न मान्छा मार्ने र बेच्ने काम गर्छन् । त्यसोत, सन्ध्या एक यौनकर्मीको भुमिकामा देखाईएको छ ।
यो फिल्मको सार्वजनिक ट्रेलरमा गाउँमा पण्डित भिन्न भिन्न रूपलाई पनि देखाइएको छ । फिल्मलाई थमनकुमार भण्डारी र किशोर खड्काले निर्माण गरेका हुन् । त्यस्तै फिल्मलाई दीपक ओलीले निर्देशन गरेका हुन् ।
फिल्ममा सन्ध्या केसी, भोलाराज सापकोटा, प्रविन खतिवडा, विजय बराल, प्रमोद अग्रहरी, मरिश्का पोखरेल, सन्ध्या केसी, लोकेन्द्र लेखक, विशाल पहारी लगाए कलाकारहरुको मुख्य भुमिका रहेको छ । यो फिल्म आगामी साउन ४ गतेबाट दर्शकमाझ रिलिजमा आउँदैछ ।
[youtube https://www.youtube.com/watch?v=tQm046IeGaA]
यो समाचार न्युज २४ नेपालबाट लिईएको हो ।
){kind=link}