काठमाडौं । भदौ ८ गतेदेखि प्रदर्शनमा आउने तयारीमा रहेको फिल्म ‘नाई नभन्नु ल – ५’ को दुई वटा पोस्टर सार्वजनिक गरिएको छ । सार्वजनिक पोस्टरमा फिल्मका ४ कलाकार स्वस्तीमा खड्का, अनुभव रेग्मी, अभिषेक नेपाल र सेड्रिना शर्मा अटाएका छन् ।
निर्देशक बिकासराज आचार्यको सहलेखन र निर्देशन रहेको लोकप्रिय सिरिज ‘नाई नभन्नु ल’को यो पाँचौ सिरिज हो । यसै फिल्म ‘नाइ नभन्नु ल ५’ मार्फत कलाकार अभिषेक नेपाल र सेड्रिना शर्मा डेब्यु गदै छन् । यसै फिल्म मार्फत अभिनेत्री निरुता सिंहले कमब्याक गर्दैछन् ।
त्यस्तै निर्देशक पुरन थापा द्वारा निर्देशित फिल्म ‘पिरिम प¥या छन्’को पनि पोस्टर सार्वजनिक भएको छ । फिल्म निर्माण युनिटले शुक्रबार सामाजिक संजाल फेसबुक मार्फत फिल्मकोे पहिलो पोस्टर सार्वजनिक गर्दै फिल्मको प्रदर्शन मिती आगामी साउन २५ गतेलाई फाइनल गरेका छन् ।
सार्वजनिक पहिलो पोस्टरमा फिल्मका सबै कलाकारलाई प्रस्तुत गरिएको छ । गाउँले परिवेशको समाजिक हाँस्य कथामा निर्माण भएको चलचित्रमा दिलिप रायमाझी, जय किसन बस्नेत, सुवास मेचे, रमेश बुढाथोकी, शुभेच्छा थापा, राजाराम पौडेल, उमा कार्की, सोभित बस्नेत, लय संग्रौला, चाँदनी कोइराला लगायतका कलाकारको अभिनय रहेको छ ।
यो समाचार न्युज २४ नेपालबाट लिईएको हो ।
