काठमाडौ (नेस) । ३३ केजी सुन तस्करी र सनम शाक्य हत्या प्रकरणको छानवीन गरिरहेको बिषेश अनुसन्धान समितिले वीरगन्जका एक ब्यापारीलाई पक्राउ गरेको छ ।
छानवीन समितिले ब्यवसायी राजु दारुकालाई उक्त काण्डमा संलग्न रहेको आशंकामा राजधानीको अन्नपुर्ण होटलबाट पक्राउ गरेको हो । दारुकाले हुण्डीको समेत कारोवार गर्ने गरेको र अबैध रुपमा सुनबाट आर्जन गरेको रकम हुण्डी मार्फत भारत पठाउने गरेको रहस्य समेत छानवीन समितिले पत्ता लगाएको छ ।
छोराको बिवाहमा सरिक रहेकै अवस्थामा छानवीन समितिको आग्रहमा प्रहरीले पक्राउ गरेको छ ।
स्रोतका अनुसार उनको वीरगञ्जको लोहरपट्टी रोडमा साई ज्वेलर्स र कृष्ण बुलियन नामक ज्वेलरी पसल संचालन गर्दै आएका छन ।
यो समाचार न्युज अफ नेपालबाट लिईएको हो ।
