‘रोजी’ टिजरः प्रदीपले भने, ‘मैले उसलाई मारेकी होइन, मुक्ति दिएकी हुँ’

काठमाडौं । फिल्म ‘रोजी’को टिजर सार्वजनिक भएको छ। सामाजिक सञ्जाल फेसबुक मार्फत रिलिज गरिएको ‘रोजी’को टिजरमा प्रदीप खड्काले आफ्नी प्रेमिका ‘रोजी’लाई पछिबाट तीन गोली प्रहार गरेका छन् ।

एक मिनेट लामो टिजरमा प्रदीप खड्का र अभिनेत्री परमिता राणालाई देखाईएको छ, जहाँ ‘रोजी’ परमिता राणा बसिरहेकी छन् । पछाडिबाट उनलाई आफ्नै प्रेमि प्रदीपले तीन गोली प्रहार गर्छन्, त्यसपछि ‘रोजी भुँईमा लडेकी दृश्यलाई देखाइएको छ । यहाँ उनीहरुबीचको कुनै पनि संबाद सुनिदैन । तर टिजरको अन्त्यमा प्रदीपले बोलेका छन्, ‘मैले उनलाई मारेकी होइन, मुक्ति दिएकी हुँ ।’

यने फिल्ममा प्रदीप खड्का, मिरुणा मगर, परमिता राणा, कर्मा शाक्य लगाएत कलाकारहरुको मुख्य अभिनय रहनेछ । यो फिल्मको छायाङ्कन अन्तिम चरणमा पुगेको छ । फिल्मलाई निरक पौडेलले एक्शन कट गरिरहेका छन् ।

यो फिल्म ललितपुरकी रोजी महर्जनको हत्या काण्डमाथि आधारित रहेको भन्ने विवाश भएसँगै रोजीका परिवारले फिल्म नबनाउन आग्रह गर्दै आएका थिए । तर फिल्म ‘रोजी’का निर्माण पक्षले भने रोजी र उनको हत्या प्रकरणसँग सम्बन्धित नभएको बताईरहेका छन् ।