जिपको ठक्करबाट किशोरीको मृत्यु

रामपुर

रैनादेवी छहरा गाउँपालिका–४ अमलावासमा बोलेरो जिपको ठक्करबाट एक किशोरीको मृत्यु भएको छ ।

जिपको ठक्करबाट सोही ठाउँ बस्ने अन्दाजी १४ वर्षीय विपना काफ्लेको मृत्यु भएको हो । विद्यालयबाट घर फर्कदै गरेकी उनलाई सडक पार गर्ने क्रममा छहराबाट सदरमुकाम तानसेनतर्फ आउँदै गरेको लु १ प ७७६२ नंको जिपले ठक्कर दिएको थियो ।

जिपको ठक्करबाट गम्भीर घाइते बनेकी बालिकाको उपचारका क्रममा जिल्ला अस्पताल पाल्पामा मृत्यु भएको जिल्ला प्रहरी कार्यालयका सूचना अधिकारी विनोद घिमिरेले जानकारी दिनुभयो । रासस