आज भोलि निकै चर्चामा आएका जोडी हुन् पल शाह र आँचल शर्मा। चलचित्र ‘नाइँ नभन्नु ल ४’ मा यी दुइको जोडी एकदमै रुचाइएको थियो। फेरी दुइ जनाको जोडीमा देखिदैछन ‘जोनी जेन्टलम्यान’ मा, भदौ ३० गते रिलिज हुने पक्का पक्कि भैसकेको चलचित्र ‘जोनी जेन्टलम्यान’को ट्रेलर आज रिलिज भएको छ। प्रेम, एक्सन, हाँसो र रोदनको मिश्रण रहेको ट्रेलरमा देख्न सकिन्छ। ‘नाइँ नभन्नु ल ४’, ‘म यस्तो गीत गाउछु’ गरि यो पलको तेस्रो फिल्म हो। यी दुइ चलचित्र सुपरहिट भइसकेका छन् र यो चलचित्र ‘जोनी जेन्टलम्यान’ पनि पलको प्रतिक्षित चलचित्र बनेको छ।
नितिन चन्दद्वारा निर्देशित उक्त चलचित्रमा पल शाह, आँचल शर्मा, विकास जोशी, जैन कुँवर, सन्तोष शिलवाल गिरीको मुख्य देख्न पाइनेछ। एन्ड्रियु पौडेलको ब्यानरमा निर्माण गरिएको यस चलचित्रमा जोनीको भूमिकामा पल देखिने भएका छन्।
यस फिल्ममा रुपेश थापा र रामशरण उप्रेतीको छायाँकन रहेको छ भने पारस विक्रम शाह र देव महर्जनको द्धन्द्ध छ। नृत्य निर्देशन केशव थापा र प्रविन सिंहले गरेका छन्। महेश दवाडीको डाइलग, स्टोरी र स्क्रिप्ट छ । अजय मल्ल ठकुरी कार्यकारी निर्माता रहेको यो फिल्ममा सन्जु शाह सह-निर्माताको रुपमा रहेका छन् ।
तल ट्रेलर हेर्नुस् :-
