काठमाडौं ।
नेपाल राष्ट्र बैङ्कले मंगलबारका लागि विदेशी मुद्राको विनिमय दर सार्वजनिक गरेको छ।
जसअनुसार भारतीय रुपैयाँ १०० को खरिद दर १६० रुपैयाँ हुँदा बिक्री दर १६०.१५ पैसा कायम गरिएको छ।
अमेरिकी डलरको भाउ मंगलबार पनि स्थिर रहेको छ। जसअनुसार आज एक अमेरिकी डलरको खरिददर १३२ रुपैयाँ ६१ पैसा र बिक्रीदर १३३ रुपैयाँ २१ पैसा कायम गरिएको छ।
अघिल्लो दुई दिन पनि अमेरिकी डलरको कारोबार सोही मूल्यमा भएको थियो। यसैगरी आज युरोको भाउ १८ पैसाले घटेको छ।
मंगलबार युरो एकको खरिदमा १४४ रुपैयाँ ३३ पैसा र बिक्रीमा १४४ रुपैयाँ ९९ पैसा कायम गरिएको छ। सोमबार भने युरोपियन युरो एकको खरिदमा १४४ रुपैयाँ ५२ पैसा र बिक्रीमा १४५ रुपैयाँ १७ पैसा तोकिएको थियो।
त्यस्तै, बेलायती पाउण्ड सटर्लिङ एकको सोमबार खरिददर १६८ रुपैयाँ ५१ पैसा र बिक्रीदर १६९ रुपैयाँ २७ पैसा, अस्ट्रेलियन डलर एकको खरिददर भने ८७ रुपैयाँ ३७ पैसा र बिक्रीदर ८७ रुपैयाँ ७७ पैसा र क्यानेडियन डलरको एक खरिददर भने ९८ रुपैयाँ ७९ पैसा र बिक्रीमा ९९ रुपैयाँ २४ पैसा कायम गरिएको छ।
यता, जापानी येन १० को खरिददर ८ रुपैयाँ ९६ पैसा कायम हुँदा बिक्री दर भने ९ रुपैयाँ रहेको छ। चाइनिज युआन एकको खरिददर १८ रुपैयाँ ४३ पैसा तथा बिक्री दर १८ रुपैयाँ ५२ पैसा तथा दक्षिण कोरिया वन १०० को खरिददर ९ रुपैयाँ ९० पैसा तथा बिक्री दर ९ रुपैयाँ ९४ पैसा कायम गरेको जनाइएको छ।
यसैगरी, मंगलबार कतारी रियाल एकको खरिद मूल्य ३६ रुपैयाँ ३७ पैसा र बिक्री मूल्य ३६ रुपैयाँ ५४ पैसा कायम गरेको राष्ट्र बैङ्कले साउदी अरेबियन रियाल एकको खरिददर ३५ रुपैयाँ ३६ पैसा र बिक्री मूल्य ३५ रुपैयाँ ५२ पैसा, युएई दिराम एकको खरिददर ३६ रुपैयाँ १० पैसा र बिक्रीदर ३६ रुपैयाँ २७ पैसा तथा मलेसियन रिंगिट एकको खरिददर मंगलबार २८ रुपैयाँ ६ पैसा र बिक्रीदर २८ रुपैयाँ १८ पैसा कायम गरेको छ।
साथै, कुवेती दिनार एकको खरिददर ४३० रुपैयाँ ९२ पैसा र बिक्रीदर ४३२ रुपैयाँ ८७ पैसा र बहराइन दिनार एकको खरिददर ३५१ रुपैयाँ ८० पैसा र बिक्रीदर ३५३ रुपैयाँ ३९ पैसा तोकिएको राष्ट्र बैङ्कले जनाएको छ।
यो समाचार न्युज अफ नेपालबाट लिईएको हो ।
