काठमाडौं ।
आईसीसी यू-१९ विश्वकप क्रिकेटको उपाधिका लागि आज भारत र अष्ट्रेलिया भिड्दै छन्। दक्षिण अफ्रिकाको विलोमार पार्कमा नेपाली समयअनुसार आज दिउँसो पौने २ बजे फाइनल खेल सुरू हुने छ।
भारत आयोजक राष्ट्र दक्षिण अफ्रिकालाई सेमिफाइनलमा पराजित गर्दै फाइनल पुगेको हो भने पाकिस्तानलाई पराजित गर्दै अस्ट्रेलियाले दोस्रो सेमिफाइनलबाट विश्वकपको फाइनल यात्रा तय गरेको हो।
प्रतियोगितामा नेपालसहित १६ राष्ट्रले सहभागिता जनाएको थियो। नेपाली टोली प्रतियोगिताको ‘सुपर सिक्स’ चरणसम्म पुगेको थियो।
समूहगत चरणको खेलमा नेपालले अफगानिस्तानलाई एक विकेटले हराएको थियो। समग्रमा यू–१९ विश्वकपमा नेपाली टोली ११औँ भएको छ।
यो समाचार न्युज अफ नेपालबाट लिईएको हो ।
