देवी भण्डारी,
दाङ १९ भदौ । नेपाल निजामती कर्मचारी युनियन संघ दाङले आफ्नो स्थापना दिवस विभिन्न कार्यक्रम गरि मनाएको छ । नेपाल निजामती कर्मचारी युनियन संघ दाङले २८ औँ स्थापना दिवसको अवसर पारेर नेपाल निजामती कर्मचारी युनियन संघ मा आवद्ध नवआगन्तुकलाई स्वागत तथा बढुवा भएकालाई सम्मान एवम् सेवा निव्ृत भएकालाई विदाई गरेको छ । नेपाल निजामती कर्मचारी युनियन संघ दाङ जिल्ला अध्यक्ष बामदेव शर्मा को अध्यक्षता तथा नेपाली कांग्रेस दाङ जिल्ला सभापति कृतिबहादुर खड्का को प्रमुख आथित्यता तथा सांसद वुद्धीराम भण्डारीको विशिष्ट आथित्यतामा कार्यक्रम सम्पन्न भएको हो ।
कार्यक्रममा नेपाली कांग्रेस दाङ जिल्ला सभापति कृतिबहादुर खड्काले कर्मचारी देशको मेरुदण्ड हो , मन्त्री बदलिन्छ ,सांसद बदलिन्छ तर कर्मचारी ३० औँ वर्ष सम्म एउटै पेशामा रहेर काम गर्नु पर्ने हुदा देश बदल्न कर्मचारीको ठुलो हात हुने भन्दै कर्मचारीले अव चाकडीवाद छोडी निष्पक्ष रुपमा जनताको सेवामा लाग्न आग्रह गर्नुभयो । साथै सांसद वुद्धिराम भण्डारीले आजको समयमा एक्लैलेृ गरे केहि हुदैन तर संगठन मिलेर जानसके जस्तो सुकै अप्ठेरोलाई चिर्न सकिने कुरामा जोड दिनुभयो । देश तथा नेताको परिचालन गर्नेकाम भनेको कर्मचारीको हो भन्दै जनतालाई दिने सेवा प्रवाहमा कुनै कन्जुसाई नगर्न आग्रह गर्नुभएको छ ।कार्यक्रममा विभिन्न जिल्लाबाट दाङमा शरुवा भई आउनुभएका १५ जनालाई स्वागत तथा विभिन्न पदमा बढुवा हुनुभएका १२ जनालाई सम्मान गरिएको हो । त्यस्तै सेवा निवृत हुनुभएका ६ जनालाई मायाको चिनो सहित विदाई गरिएको थियो ।
कार्यक्रममा उपजिल्ला शिक्ष अधिकारी विनोद गौतम् , नेपाली कांग्रेस क्षेत्रनं १ का सभापति भेषराज पाण्डे , स्थानीय विकास अधिकारी कुलबहादुर जि सी ,नेपाल स्वास्थकर्मी संघका अध्यक्ष बसन्त आचार्य , नेपाल सेवा निवृत संघका अध्यक्ष चर्तुरमान डागी, नेपाल महिला संघ दाङकी अध्इक्ष गोमा रावत , ट्रेडयुनियन कांग्रेसका अध्यक्ष चुरामनी आचार्य , नेपाल कर्मचारी युनियन संघ दाङका निवर्तमान अध्यक्ष गोविन्दप्रसाद न्यौपाने , संस्थापक अध्यक्ष तुल्सी गीरी , नेपाली कांग्रेस आधिकारीक ट्रेडयुनियनका दलबहादुर खत्री , लगाएतले शुभकामना मन्तव्य दिनुभएको थियो । नेपाल कर्मचारी युनियन संघ दाङजिल्ला उपाध्यक्ष गीता आभार्यको स्वागत मन्तव्यबाट सुरुभएको कार्यक्रमको सहजीकरण नेपाल कर्मचारी युनियन संघ दाङ जिल्ला कार्यसमिति सचिव हरिबहादुर बुदाथोकीले गर्नुभएको थियो । नेपाल निजामती कर्मचारी युनियन संघ दाङले स्स्थापना दिवसको अवसर पारेर हिजो रक्त दान कार्यक्रम रक्तसंचार केन्द्र घोराहीमा सम्पन्न गरेको थियो । रक्तदान कार्यक्रममा १८ जनाले रक्तदान गर्नु भएको थियो ।
