२३ भदौ , काठमाडौँ – चर्चित टेलिभिजन रियालिटी शो नेपाल आइडलको टप तीन छनोट भएको छ । शुक्रबार प्रसारण भएको शोबाट सागर आले बाहिरिएका छन् । नेपाल आइडलको दावेदार मानिएका चितवनका सागर आले नेपाल आइडलको यात्रा केहिबेर अघिबाट समाप्त भएको हो ।
नेपाली सांगीतिक क्षेत्रमा अनवरत रुपमा लागिपरेका सागर आले आइडलबाट दर्शकहरु माझ चर्चित बनेका छन् । चितवनमा जन्मिएका उनले सामाजिक संजालमा कभर गीत गाएर भिडियोहरु राखिरहनथे् ।
हरेक प्रस्तुतीले अहिलेसम्म दर्शक र जजहरुको मन जित्न सफल सागर आजबाट नेपाल आईडलको मंचमा देखिने छैनन् । दर्शकको कम भोट पाएको आधारमा सागर बाहिरिएका हुन् ।
अब नेपाल आइडलको शिर्ष तीनमा प्रताप दास, बुद्ध लामा र निशान भट्टराई रहेका छन् । अब टप ३ को बिचमा फिनाले हुनेछ ।
