काठमाडौँ ।
कोलम्बिया जारी कोपा अमेरिकाको क्वाटरफाइनलमा पुगेको छ । शनिबार बिहान सम्पन्न खेलमा कोलम्बियाले कोस्टा रिकालाई ३-० गोल अन्तरले पराजित गर्दै समुह डी बाट क्वाटरफाइनलमा आफ्नो स्थान सुरक्षित गरेको हो ।
कोलोम्बियाको जितमा लुइस डियाज, डाभीन्सन सान्चेज र जोन कोरडोबाले एक एक गोल गरेका थिए ।
यो जितपछि कोलोम्बियाको २ खेलमा ६ अंक भएको छ र क्वाटरफाइनलमा आफ्नो स्थान सुरक्षित गरेको छ । त्यस्तै कोस्टा रिकाको भने २ खेलमा एक अंक रहेको छ ।
अब समुह चरणको अन्तिम खेलमा कोलम्बियाले जुलाई ३ मा ब्राजिलको सामना गर्ने छ । त्यस्तै सोहि दिन कोस्टा रिकाले पराग्वेको सामना गर्ने छ ।
यो समाचार न्युज अफ नेपालबाट लिईएको हो ।
