काठमाडौँ।
दिउँसोको समयमा चोरी गर्ने दुई जनालाई प्रहरीले पक्राउ गरेको छ।
यही असार २३ गते भक्तपुर जिल्लाको ठिमी न.पा. वडा नं. २ मुनाल मार्ग स्थित द्वारिकानाथ धितालको घरमा डेरा गरी बस्ने जगदीश नेपालको कोठाबाट सुनका विभिन्न गरगहना तथा नगद गरी. ७,१३,३८०/- ( सात लाख तेह्र हजार तिन सय असी ) बराबरको धनमाल चोरी गरेको घटनामा संलग्न का.जि. गोकर्णेश्वर न.पा. वडा नं. ५ जोरपाटी बस्ने ४३ वर्षीय राजु तामाङ र चोरी गरी लगेको धनमाल बेचबिखन गर्ने कार्यमा संलग्न जिल्ला भोजपुर साबिक पात्लेपानी गा.वि.स. वडा नं. ९ घर भई हाल का.जि. गोकर्णेश्वर न.पा. वडा नं. ७ बस्ने ५४ वर्षिया शारदा तिरुवा बि.क.लाई प्रहरीले पक्राउ गरेको हो।
उनीहरुको साथबाट सुनका विभिन्न गर गहना १.७९ तोला, नगद चार लाख दश हजार, स्कुटर थान -१ र मोबाइल थान २ प्रहरीले बरामद गरेको छ।
पक्राउ परेका उनीहरुलाई थप अनुसन्धान तथा कारबाहीको लागी प्रहरी वृत ठिमी भक्तपुर पठाईएको प्रहरीले जनाएको छ।
यो समाचार न्युज अफ नेपालबाट लिईएको हो ।
