काठमाडौँ ।
बलिउड अभिनेता अक्षय कुमारलाई कोरोना सङ्क्रमण भएको छ । अक्षकुमारले आफूलाई कोरोना सङ्क्रमण भएकाले अलग बसेको भारतीय मिडियाहरुले उल्लेख गरेका छन् ।
फिल्मको सरफेराको प्रमोशनको क्रममा अक्षयलाई कोरोना सङ्क्रमण भएको बताइएको छ । उनलाई शुक्रवार बिहान कोभिड पोजेटिभ भेटिएको थियो ।
यसअघि २०२२ मा पनि अक्षय फिल्म ‘राम सेतु’ को सुटिङका क्रममा कोरोना सङ्क्रमित भएका थिए । यस अवधिमा अक्षय बाहेक टोलीका अन्य सदस्यहरू पनि कोभिड पोजेटिभ भेटिएका थिए । त्यस अघि २०२१ मा पनि अक्षय कोभिड पोजेटिभ थिए ।
अक्षयकुमारको नयाँ फिल्म ‘सरफिरा’ हिजो शुक्रवार रिलिज भएको छ । यो फिल्म दक्षिणका व्यापारी जीआर गोपीनाथको जीवनमा आधारित छ जसमा अक्षय मुख्य भूमिकामा छन् ।
यो समाचार न्युज अफ नेपालबाट लिईएको हो ।
