सिन्धुलीमा।
सिन्धुलीमा भालुको आक्रमणबाट एक जनाको मृत्यु भएको छ । मृत्यु हुनेमा मरिण गाउँपालिका–१ कार्तिके बस्ने अन्दाजी ७२ वर्षीय गोपिलाल घिसिङ रहेको प्रहरीले जनाएको छ।
आफ्नो घरदेखि अन्दाजी १ किलोमिटर उत्तरतर्फ रहेको सिम्ले खोल्सी जंगलमा बिहीबार छिमेकी बाख्रा भालुले लगेको थियो। शुक्रबार गोपिलालसहित ७–८ जना बाख्रा खोज्न जंगल पुगेका थिए । सोही क्रममा भालुले गोपिलालमाथि आक्रमण गरेको थियो । आक्रमणमा परेर उनको गर्दनको हड्डी र हातको नाडी भाँचिन पुगेको थियो। आक्रमणबाट उनको घटनास्थलमा मृत्यु भएको हो।
यो समाचार न्युज अफ नेपालबाट लिईएको हो ।
