काठमाडौँ।
कवि प्रद्युम्नप्रसाद पौडेलद्वारा लिखित ‘हिमालमाथि उभिएर’ कविता संग्रह विमोचन गरिएको छ । भक्तपुरको गठ्ठाघरमा एक भव्य कार्यक्रमका बीच मध्यपुर थिमि नगरपालिकाका प्रमुख सुरेन्द्र श्रेष्ठले उक्त कविता संग्रहको विमोचन गरेका हुन्।
कविता संग्रहलाई अनुशीलन नेपालले प्रकाशन गरेको हो । अनुशीलन नेपालका अध्यक्ष जीवनाथ अधिकारीको सभापतित्व भएको कार्यक्रममा नेकपा एमाले भक्तपुरका अध्यक्ष वचन देउजा, मध्यपुर ठिमी नगरपालिका वडा नं ३ का वडाअध्यक्ष कृष्णहरि आचार्य, भक्तपुर बुढ्यौली साहित्य समाजका अध्यक्ष कविराज घिमिरे लगायत अतिथि रहेका थिए ।
पुस्तकका सम्पादक जीवनाथ अधिकारी र प्रबन्ध सम्पादक राजभक्त श्रेष्ठ रहेका छन् । हिमालमाथि उभिएर कविता संग्रह अनुशीलन नेपालेको १२ औँ प्रकाशन हो कविता संग्रहमा कवि पौडेलका ८२ वटा कविता तथा गजल छन् ।
यो समाचार न्युज अफ नेपालबाट लिईएको हो ।
