नवलपरासी
जिल्ला सदरमुकाम कावासोतीमा जिल्ला स्तरीय ब्याडमिन्टन टुनामेन्ट २०८१ हुने भएको छ ।
स्थानीय याेङ्गस्टार क्लबले आइतबार आफ्नै कवर्डहलमा पत्रकार सम्मेलन गरी यही पुस १० देखि १२ गते सम्म ३ दिने ब्याडमिन्टन टुनामेन्ट गर्न लागेकाे जानकारी दिएको हो।
किशोर अवस्थाका बालबालिकालाई कुलतमा फस्न नदिई खेलका माध्यमले आफ्नो व्यक्तित्व विकास गरून् भन्ने टुनामेन्टकाे मुख्य उद्देश्य रहेको क्लबका अध्यक्ष आनन्द गुरूङ्गले बताए ।
टुनामेन्टमा ए लेवल, बी लेवल,अन्डर सेभेन्टिन र जिल्ला तथा छिमेकी जिल्लाका भेन्ट्रान्स समेतकाे सहभागिता रहने बताईएकाे छ ।
बीडब्लुएफ/एनबीएका आधारमा याेनेक्स म्याभिस ३ सय ५० सटल अनुसार खेलाइने ब्याडमिन्टन प्रतियोगितााकाे विभिन्न विधाका बिजेता खेलाडीलाई नगद तथा मेडल द्वारा सम्मानित गरिने क्लबले जनाएकाे छ ।
पत्रकार सम्मेलनमा गण्डकी प्रदेश खेलकुद परिषदका सदस्य सचिव श्रीधर भट्टराई,जिल्ला खेलकुद विकास समिति अध्यक्ष सेतबहादुर पुन,ब्याडमिन्टन संघका जिल्ला उपाध्यक्ष बीरबहादुर पुन,क्लबका सल्लाहकार देव थापा लगायतकाे उपस्थिति रहेको थियाे ।
यो समाचार न्युज अफ नेपालबाट लिईएको हो ।
