१२ असोज , तनहुँ – बिहीबार दिउँसो तनहुँको बन्दीपुर गाउँपालिका-४ स्थित ढावमा एक यात्रुबाहक बस दुर्घटना हुँदा १३ यात्रु घाइते भएका छन् ।
काठमाडौंबाट स्याङ्जा जाँदै गरेको ना ५ ख ९१४० नम्बरको बस दुर्घटना हुँदा १३ यात्रु घाइते भएका हुन् । घाइतेमध्ये गम्भीर रहेका काठमाडौं महानगरपालिका-२६ का ६४ वर्षका शंकर मल्ललाई डुम्रेको लक्ष्मी अस्पतालमा सामान्य उपचारपछि थप उपचारका लागि मणिपाल शिक्षण अस्पताल पठाइएको र अन्य सामान्य अवस्थाका १२ घाइतेको सोही अस्पतालमा उपचार भइरहेको इलाका प्रहरी कार्यालय भानुमुकाम डुम्रेले जनाएको छ ।
रासस
