काठमाडौं ।
इटालीका विश्वकप विजेता गोलरक्षक जियानजुइजी बुफोन केपी ओली कप फुटबलको फाइनल खेलमा आउने भएका छन् ।
युवा संघ नेपालले आयोजना गरेको प्रतियोगिताको फाइनल खेल अवलोकन गर्न र नेपालका विभिन्न स्थानको भम्रण गर्न बुफोन नेपाल आउने तयारीमा रहेको जनाइएको छ । स्रोतअनुसार बुफोनको म्यानेजमेन्ट टोलीले ३ लाख अमेरिकी डलर मागेको तर, पछि १ लाख डलरसम्ममा आउन राजी भएका हुन् ।
हालको विनिमय दरअनुसार १ लाख डलर बराबर नेपाली १ करोड ३८ लाख रुपियाँ हुन्छ । बुफोनलाई नेपाल ल्याउन हवाइ टिकट तथा बस्ने खर्चसहित करिब डेढ करोड रुपियाँ खर्च हुनेछ ।
यो समाचार न्युज अफ नेपालबाट लिईएको हो ।
