१८ असोज , काठमाडौँ – सरकारले वागमती अञ्चलमा दर्ता तथा सञ्चालनमा प्रतिवन्ध लगाएको ट्रयाक्टर त्रिभुवन अन्तराष्ट्रिय विमानस्थलमै सञ्चालन भइरहेको पाइएको छ ।
यातायात व्यावस्ता विभागले अघिल्लो साता अनुगमनमा यस्तो फेला पारेको हो। सरकारले २०५३ सालमै वागमति अञ्चलमा ट्रयाक्टर दर्ता नगरिने र सडकमा गुडाउन समेत नपाइने निर्णय गरेको थियो । यस्तै विभानस्थलमा विभिन्न एयरलाइन्स कम्पनीहरुले सञ्चालन गर्दै आएका सवारीसमेत विनादर्ता सञ्चालन भइरहेको विभागले जनाएको छ । यातायात व्यवस्था विभागका महानिर्देशक रुपनारायण भट्टराईका अनुसार विमानस्थलमा भारतीय नम्वर प्लेटका सवारी समेत प्रयोग भएको पाइएको छ ।
इन्डियन एयरलाइन्सले त्रिभुवन विमानस्थलमा भारतीय नम्वर प्लेटको सवारी प्रयोग गरेको उल्लेख गर्दै उनले भने ‘यो गैरकानुनी कार्य हो, कानुन विपरित भएकोले भौतिक पुर्वधार तथा यातायायात मन्त्रालयलाई पत्र लेखेका छौँ र त्यसको बोधार्थ अख्तियरा दुरुपयोग अनुसन्धान आयोगलाई दिइएको छ’।
याे खबर आजको कारोबार दैनिकमा छ ।
