उदयपुर ।
गस्तीमा रहेको प्रहरी टोलीले मंगलबार राती प्रतिबन्धित लागु औषध सहित संलग्न भएको आशैकामा प्रहरीले ७ जनालाई नियन्त्रणमा लिएको छ ।
ईलाका प्रहरी कार्यालय कटारी उदयपुरबाट खटिएको प्रहरी टोलीले मंगलबार राती जिल्ला उदयपुर कटारी नगरपालिका वडा नं. ०४ कान्छी बजारबाट १० हजार ४६३ ट्याबलेट नियन्त्रित लागू औषध र १०० ग्राम प्रतिबन्धित लागू औषध गाँजा सहित ७ जना व्यक्तिलाई पक्राउ गरेको छ । साथै, निजहरुको साथबाट नगद २ लाख ४७ हजार ७ सय २० रुपैया, निजहरु सवार २ वटा मोटरसाईकल र निजहरुले प्रयोग गरेको ६ वटा मोबाईल फोन समेत बरामद गरिएको जिल्ला प्रहरी कार्यालय उदयपुरले जनाएको छ ।
जिल्ला उदयपुर कटारी नगरपालिका वडा नं. ०४ स्थित कान्छी बजारमा प्रतिबन्धित लागु औषध ओसार पसार तथा बिक्रि वितरण भईरहेको भन्ने सुचनाको आधारमा ईलाका प्रहरी कार्यालय कटारी उदयपुरबाट प्रहरी निरीक्षक भीमलाल ओलीको कमाण्डमा खटिएको प्रहरी टोलीले लागू औषध सेवन तथा कारोबारमा संलग्न ७ जना व्यक्तिहरु, नियन्त्रित तथा प्रतिबन्धित लागु औषध, नगद, मोटरसाईकल र मोबाईल फोन समेत बरामद गरेको हो ।
पक्राउ पर्नेमा जिल्ला उदयपुर कटारी नगरपालिका वडा नं. ०७ बस्ने बर्ष २९ को हरि बहादुर तामाङ, ऐ.ऐ. वडा नं.०८ बस्ने बर्ष १९ को भक्त बहादुर तामाङ, ऐ.ऐ. वडा न.०८ बस्ने बर्ष २५ को सोम कृष्ण राई, ऐ.ऐ. वडा नं.०४ बस्ने बर्ष २३ को अनमोल मगर, ऐ.ऐ. वडा नं.०४ बस्ने बर्ष २० की आरती राउत, ऐ.ऐ. वडा नं.०४ बस्ने बर्ष २३ को सरद कुमार सुनुवार र ऐ.ऐ. वडा नं.०४ बस्ने बर्ष १९ को बिक्रम साशंकार रहेका छन् ।
निजहरुको साथबाट TRUPAIN TABLET-४,४३१, SPASPAIN TABLET-५,९१२ र TAPENTA TABLET-१२० गरी जम्मा १०,४६३ ट्याबलेट नियन्त्रित लागू औषध, गाँजा १०० ग्राम, नगद २ लाख ४७ हजार ७ सय २० रुपैया, निजहरु सवार प्र. १-०५-००१ प ७६०२ नं. को २२० सि.सि. कालो रातो रंगको पल्सर मोटरसाईकल, प्र. १-०५-००१ प ७४९७ नं. को २०० सि.सि. कालो फुस्रो रंगको एन.एस. मोटरसाईकल र निजहरुले प्रयोग गर्ने मोबाईल फोन ६ वटा बरामद गरिएको छ ।
पक्राउ परेका ७ जना व्यक्तिलाई ईलाका प्रहरी कार्यालय कटारी, उदयपुरमा राखी थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।
यो समाचार न्युज अफ नेपालबाट लिईएको हो ।
