
उदयपुर ।
उदयपुरको कटारी नगरपालिका वडा नं ४ मुसहरीटोलमा बिहीबार दिउँसो ३ बजेर २० मिनटमा भएको सवारी दुर्घटनामा एक जनाको को ज्यान गएको छ भने दुई जना घाइते भएका छन् ।
कटारी नगरपालिका वडा नं ४ मुसहरी टोलस्थित मदन भण्डारी राजमार्गमा कटारीबाट सिन्धुलीतर्फ जाँदै गरेको प्रदेश २—०१—००३ प ५४२२ नम्बरको मोटरसाइकलले विपरीत दिशाबाट आउँदै गरेको साईकललाई ठक्कर दिंदा दुर्घटना भएको हो ।
दुर्घटनामा परी साईकल यात्री जिल्ला सिन्धुली दुधौली नगरपालिका ५ घारीथुम्सी बस्ने वर्ष ७१ को अमर बहादुर सुनुवार गम्भीर घाइते भई उपचारका लागि कटारी अस्पतालमा ल्याइएकोमा उपचारको क्रममा निजलाई सवा चार बजे चिकित्सकले मृत घोषणा गरेको हो ।
दुर्घटनामा परी घाइते भएका मोटरसाइकल चालक कटारी नगरपालिका ६ गेरुवा बस्ने वर्ष २३ को अनन्त मगर र सोही मोटरसाईकल पछाडि सवार पहिचान नखुलेका १ जनाको सोही अस्पतालमा प्रहरीको निगरानीमा उपचार भइरहेको छ ।
दुर्घटना भएको मोटरसाइकल इलाका प्रहरी कार्यालय कटारी उदयपुरमा राखी थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।
यो समाचार न्युज अफ नेपालबाट लिईएको हो ।