२१ असोज , बुटवल – हत्या गरी फरार रहेको अभियोगमा एक व्यक्तिलाई २० वर्षपछि प्रहरीले पक्राउ गरेको छ । साविक गंगोलिय गाविस–८, हाल तिलोत्तमा नगरपालिका–१७ का अभियुक्त मानबहादुर थारु २०५४ मंसिर १ गते राति साविक गंगोलिया गाविस–५ बस्ने २६ वर्षीय रुदल यादवलाई गोली हानी हत्या गरेर फरार भएका थिए ।
दशैँमा घरमा आएका बेला अभियुक्त थारु बुधबार लुक्दै हिँडिरहेको अवस्थामा प्रहरीले पक्राउ गरेको इलाका प्रहरी कार्यालय बुटवलले जनाएको छ ।
