काठमाडौँ ।
गत भदौ २३ र २४ गते भएको जेन(जी) आन्दोलनका कारण देशभरका विभिन्न कारागार र बालसुधारगृहबाट भागेका कैदीबन्दीमध्ये ८ हजार ८१६ जना अझै फरार रहेका छन्।
कारागार व्यवस्थापन विभागका अनुसार कुल २७ वटा कारागार र नौ वटा बालसुधारगृहबाट १४ हजार ५५० जनाभन्दा बढी कैदीबन्दी फरार भएका थिए। हालसम्म ५ हजार ४९५ जना कैदी र २४४ जना बालसुधारगृहका कैदीबन्दी फिर्ता भएका छन्।
फरार कैदीबन्दीको खोजी कार्य जारी रहेको विभागले जनाएको छ। यससँगै नेपाल प्रहरीले देशभरका विभिन्न हिरासतबाट भागेका अभियुक्तहरूको समेत खोजी भइरहेको जनाएको छ।
यो समाचार न्युज अफ नेपालबाट लिईएको हो ।
