टंक सुनार
रुपन्देही,असार ६ । सोमबार राती रुपन्देहीको देवदह शंकरपुरमा मोटरसाइकलले साइकल यात्रीलाई ठक्कर दिदा साइकल यात्री घाइते भएका छन । शंकरपुरबाट खैरेनी तर्फ आउँदै गरेको लु ३१ प ९९४४ नम्बरको पल्सरले साइकललाई ठक्कर दिदा दुर्घटना भएको हो ।
दुर्घटनामा परी साइकल यात्री देवदह १ वीर्ता बस्ने १५ बर्षकी सुस्मीता सारु र १५ बर्षकै भावना सारु घाइते भएको देवदह प्रहरी चौकीका प्रहरी निरीक्षक सुरज कार्कीले जानकारी दिनु भयो । ठक्कर दिने मोटरसाइकल र चालकलाई प्रहरीले नियन्त्रणमा लिएको छ । घाइतेहरुको भैरहवा मेडिकल कलेजमा उपचार भइरहेको छ ।
