नेपाल समाचारपत्र, काठमाडौँ ।
नक्कली पेस्तोल देखाई पैसा असुली गर्ने एक जना टोले गुन्डालाई प्रहरीले नियन्त्रणमा लिएको छ ।
महानगरी प्रहरी बृत महाराजगञ्जको टोलीले सोमबार काठमाडौँ स्थित गणेशस्थानबाट तारकेश्वर नगरपालिका बस्ने ३२ वर्षीय सुदिप गुरुङलाई पक्राउ गरेको हो
। पक्राउ परेका गुरुङले विगत केहि महिनादेखि नक्कली पेस्तोल देखाई नयाँ बसपार्क, सामाखुसी, बसुन्धारा क्षेत्रका सर्वसाधारण, व्यापारी तथा होटेल व्यवसायीहरूबाट पैसा असुल्ने गरेको प्रहरीले जनाएको छ ।
उनको साथबाट प्रहरीले एक थान नक्कली पेस्तोलसमेत बरामद गरेको छ।
यो समाचार न्युज अफ नेपालबाट लिईएको हो ।
