एजेन्सी । फिल्म बाहुबली सिरिजको ठुलो सफलतापछि दुनियाभर चर्चित बनेका अभिनेता प्रभाषले दोस्रो पटक पनि फिल्मकर्मी करण जोहरको फिल्म गुमाउनु परेको छ । बाहुबली २ फिल्म सुपरहिट भईसकेपछि तमाम फिल्मकर्मीहरुले अभिनेता प्रभाषलाई सम्पर्क गरिसकेका छन् । प्रभाषलाई यसरी सम्पर्क गर्ने फिल्मकर्मीहरुको लिष्टमा करण जोहर पनि एक हुन् ।
करण जोहरले अभिनेता प्रभाषलाई बलिउडमा लन्च गर्न चाहन्छन् । त्यसोत उनले प्रभाषलाई अफर नगरेका पनि होइनन् । करणले आफ्नो फिल्मको लागि प्रभाषलाई अफर गर्दा २० करोडको डिमाण्ड गरेका थिए ।
पछिल्लो समयमा पुनः करण जोहरले अभिनेता प्रभाषलाई आफ्नो ठुलो प्रोजेक्टको लागि सम्पर्क गरेका थिए । तर यस प्रोजेक्टको लागि प्रभाषले आफ्नो अपकमिङ फिल्म ‘साहो’ का कारण गर्न नसक्ने बताएका छन् । अहिले उनले ‘साहो’कका लागि धेरै मेहेनत गरिरहेका छन् । त्यसै कारण प्रभाषले करण जोहरको यो पटकको अफरलाई पनि हात पार्न नसकेका हुन् ।
प्रभाषको अपकमिङ ‘साहो’ एक थ्रिलर ड्रामा फिल्म हो । यो फिल्मको बजेट ३०० करोड भारु जनाइएको छ । अभिनेता प्रभाषको फिल्म ‘बाहुबली २’ को मार्केटिङ र डिष्ट्रिव्युशनको जिम्मा करण जोहरले सम्हालेका थिए ।
त्यसोत, अभिनेता प्रभाषले पनि फिल्मकर्मी करण जोहरसँग आफ्नो राम्रो सम्बन्ध रहेको बताएका छन् । अभिनेता प्रभाष साहो यो वर्ष रिलिज नहुने जानकारी पनि गराईएको छ । सम्भवत यो फिल्म अर्को वर्ष रिलिज हुने जनाईएछ ।
यो समाचार न्युज २४ नेपालबाट लिईएको हो ।
