नेपाल समाचारपत्र, झापा ।
भद्रपुर नगरपालिका ६ स्थित कृष्णराज कम्प्लेक्स (सिनेमा हल) नजिकैबाट शनिवार बेलुका साढे ५ बजे मोटरसाइकल चोरी भएको छ । मोरङ्ग मधुवल्लाका सुमित गौतमको मे ४ प २३४२ नम्बरको कालो र सेतो रङ्गको १२५ सिसीको होण्डा साइन मोटरसाइकल चोरी भएको वडा प्रहरी कार्यालय भद्रपुरले जनाएको छ ।
वडा प्रहरी कार्यालय भद्रपुरका सई हस्तबहादुर श्रेष्ठले दिएको जानकारी अनुसार शनिवार बजारका दिन हटिया गर्न आएका गौतमले कृष्णराज कम्प्लेक्स छेऊमा मोटरसाइकल पार्किङ्ग गरी बजार गर्न गएका थिए । बजार गरी फर्किएपछि पार्किङ्ग स्थलमा मोटरसाइकल नदेखेपछि मोटरसाइकल चोरी भएको भन्दै प्रहरीलाई खबर गरेका थिए । निर्माण व्यवसायी गौतमको मोटरसाइकल प्राइम लाइफ इन्सोरेन्स कम्पनीको नाम रहेको बताइएको छ । यता प्रहरीले मोटरसाइकल खोजी कार्यलाई तिव्रता दिएको जनाइएको छ ।
यसअघि पनि भद्रपुर ६ स्थित हटिया (बजार) लाग्ने पार्किङ स्थलबाटै भद्रपुर ४ का द्रिर्णे राजवंशीको मे २ प ८२२५ नम्बरको हिरोहोण्डा कम्पनीको कालो रंगको सुपर स्पेलण्डर मोटरसाइकल चोरी भएको थियो ।
चोरी भएको मोटरसाइकल अझै फेला परेको छैन । त्यस्तै गत माघ १२ गते भद्रपुर ८ स्थित नेपाल रेडक्रस सोसाइटी झापा शाखाको परिसरबाटै मध्यरातमा मे ७ प ४४४१ नम्बरको मोटरसाइकल चोरी थियो । चोरी गर्न आएका दुई युवकलाई रेडक्रसको सिसी क्यामेराले कैद गरेपनि पहिचान हुन नसक्दा हाल सम्म उनीहरु पक्राउ परेका छैनन ।
यो समाचार न्युज अफ नेपालबाट लिईएको हो ।
