काठमाडौं । आर्यन सिगदेल र साम्राज्ञि राज्यलक्ष्मी शाह स्टारर् फिल्म ‘कायरा’को ट्रेलर रिलिज भएको छ । सार्वजनिक ‘कायरा’ ट्रेलरमा अभिनेता आर्यन र साम्राज्ञिको लभस्टोरीलाई प्रस्तुत गरिएको छ, जहाँ आर्यन र साम्राज्ञिको प्रेम, मिलन, बिछोड लगाएतको कुरालाई देखाईएको छ ।
यो फिल्म आगामी साउन १८ गतेबाट दर्शकमाझ रिलिजमा आउँदैछ । लक्ष्मण रिजालको निर्देशनमा बनेको ‘कायरा’मा आर्यन सिग्देल, साम्राज्ञी राज्यलक्ष्मी शाह, हितेश शर्मा, चुरेस न्यौपाने, शिशिर राणा, मरीषा श्रेष्ठ, रोजेट्टे केइ पाब्लो लगाएतको अभिनय रहेको छ ।
फिल्ममा कोशिस क्षेत्री, अर्जुन पोखरेल, कल्या सिंहको संगीत रहेको छ । त्यस्तै फिल्ममा समावेश आर्यन सिग्देल, नरेश भट्टराई, अर्जुन पोखरेल र कोशिस क्षेत्रीको शब्दलाई सुगम पोखरेल, युवराज चौँलागाई, केतन क्षेत्री र श्रेय सोताङले स्वरबद्ध गरेका छन् ।
‘कायरा’को कथा अभिनेता सिग्देलको आफ्नै रहेको छ । फिल्मको कार्यकारी निर्माताको रुपमा राजकुमार भट्ट रहेका छन् । सह निर्माताको रुपमा दिनेश थापा र दिबाश पराजुली रहेका छन् ।
[youtube https://www.youtube.com/watch?v=wxqGVC7fXHA]
यो समाचार न्युज २४ नेपालबाट लिईएको हो ।
){kind=link}