दमौली (नेस) । तनहुँको बरादीमा मंगलबार भएको सवारी दुर्घटनामा परी चार जनाको मृत्यु भएको छ । तीन सवारी साधन आपसमा ठोक्किएर दुर्घटनामा ग्रस्ट भएको प्रहरीले जनाएको हा । प्रहरीका अनुसार दुर्घटनामा परि घाइते भएका ७ मध्ये ४ जनाको उपचारका क्रममा मृत्यु भएको हो ।
मृत्यु हुनेहरुमा आबुखैरेनी–४ बस्ने दिलबहादुर थापा, पर्वत कुश्मा–९ की बालिका ममता लामिछाने, कमल लामिछाने र आबुखैरेनी गाउँपालिकाका अन्दाजी नुनबहादुर खवास रहेको प्रहरीले दाबी गरेको छ।
आबुखैरेनीबाट डुम्रे आउँदै गरेको ग १ ख ३०७३ नम्बरको बस विपरीत दिशाबाट जाँदै गरेको बा १७ च १८१४ नम्बर भ्यान र मुग्लिनबाट डुम्रे आउँदै गरेको ग ५ प १९४४ नम्बरको मोटरसाइकल आपसमा ठोकिएको जिल्ला प्रहरी कार्यालय तनहुँले जनाएको छ ।
यो समाचार न्युज अफ नेपालबाट लिईएको हो ।
