१८ भदौ , एजेन्सी – भारतीय क्रिकेट टीमका कप्तान बिराट कोहली र बलिउड अभिनेत्री अनुष्का शर्मा बीचको प्रेम उत्कर्षमा छ । आआफ्नो ब्यस्त समयका बाबजुद उनीहरु जसरी पनि एक अर्काका लागि समय निकालिरहेका हुन्छन् । बिराट केहि दिनदेखि क्रिकेट सिरिज खेल्ने सिलसिलामा श्रीलंकामा छन् । उनलाई भेट्न अनुष्का पनि श्रीलंका नै पुगेकी छिन् । यो जोडी यतिबेला रोमान्समा लिप्त छ । बिराटको हौसला बढाउन अनुष्का रंगशालामै पुग्ने गरेकी छिन् । खेल नभएको बेला बिराटले आफ्नो पुरा समय अनुष्कालाई नै दिईरहेका हुन्छन् । बिराटले श्रीलंकाबाट अनुष्कासँगका केहि तस्बिरहरु सामाजिक संजालमा सेयर गरेका छन् । एउटा तस्बिरमा उनीहरु दुवै खाना खाइरहेको देखिन्छ । त्यसैगरी अर्को तस्बिरमा उनीहरुले बिरुवामा पानी हालिरहेको देखिन्छ ।
