०७ असोज , पाल्पा – रुपन्देहीको सिद्धबाबामा ट्रक र कार पहिरोमा पुरिँदा तीन जनाको मृत्यु भएको छ भने एक जना घाइते भएका छन्।
पहिरोले लु १ च ७९९४ नम्बरको कार र ना ३ ख ६१९१ नम्बरको ट्रक पुरेको पुरेको हो ।
जिल्ला प्रहरी कार्यालय रुपन्देहीका अनुसार पहिरोमा पुरिएर ट्रकका चालक तिनाउँ गाउँपालिका–४ का माधव राणा, गुल्मी बलेटक्सार–४ का यमलाल ज्ञवाली र गुल्मीकै रुरु गाउँपालिकाको काउलेका तिलकराम भण्डारीको मृत्यु भएको हो । कारमै सवार गुल्मीकै रुरु गाउँपालिकाको काउलेकी राधिका भण्डारी घाइते भएकी छिन् ।
सडक अवरुद्ध बनेपछि गुल्मी , पाल्पा, स्याङ्जा, पोखरा, बागलुङ, पर्वतलगायतका सवारीसाधन बुटवल जान सकेका छैनन् । बुटवलबाट पाल्पातर्फ सवारी चल्न नसक्दा दशैँका यात्रु बाटामा नै अलपत्र परेका छन् ।
