१० असोज ,काभ्रेपलाञ्चोक – मङ्गलबार बिहान काभ्रेपलाञ्चोकको रोशी गाउँपालिका– ३ शिखर आम्बोटेको निगालेमा १७ जना यात्रु बोकेको बा १४ च ९५५६ नम्बरको बोलेरो गाडी दुर्घटना हुँदा ६ जनाको मृत्यु भएको छ ।
मृतकको सनाखत हुन बाँकी छ । “घटनामा ६ जनाको मृत्यु भएको खबर आएको छ, बाँकी ११ जना घाइतेको उद्धारका लागि घटनास्थलमा हेलिकप्टर पुगिसकेको छ”, सहकुलबहादुर थापाले भने।
अोभर लोडका कारण दुर्घटना हुन सक्ने प्रहरीले जानकारी दिएको छ । घाइतेलाई उपचारका लागि काठमाडौँमा लाने तयारी भइरहेको प्रहरीले जनाएको छ।
रासस
