असोज २२ गते बिहान साढे ११ बजेतिर मैले प्रभु बैंकको बुटवल मिलन चोक शाखामा सपोर्ट माइक्रो फाइनान्सको आइपिओ सेयर आवेदनका लागि फर्म भरेर लियेर गएँ। त्यहाँको सम्बन्धित कर्मचारीले फर्म बुझे। त्यो फर्म कम्प्युटरमा इन्ट्री नगरी उनी म्यानेजरको कोठामा गएर बसे। करिब एक घन्टापछि उनी आए र त्यो फर्मको अधकट्टीमा हस्ताक्षर गरेर दिए। अनलाइन इन्ट्री गरेनन्।
दोश्रो दिन असोज २३ गते दिउँसो साढे ३ बजे त्यो फर्म इन्टरी नगरिएको र अब इन्ट्री नहुने जानकारीसहित फोन आयो र बैंकमा बोलाइयो।
बैंकमा पुग्दा तिनै कर्मचारीले हिजो दिएको फर्मको अधकट्टी मागे। कुनै प्रश्न नगरी मैले अधकट्टी दिएँ।
उनले खुरुक्क त्यसलाई च्याते, मानौँ त्यो उनको निजी सम्पत्ती थियो। उनलाई त्यो फर्म हिजो किन इन्ट्री नगरेको सोध्दा ओठे जवाफ दिए, ‘हिजो गरिएन, आज तपाइको खाता ब्लक छ, अब भ्याइँदैन।’
स्मरण रहोस्, ब्लक खाता सुचारु गर्न ५ मिनट लाग्छ।
यसरी म ती कर्मचारीको कारण आइपिओ भर्नबाट बन्चित भएँ।
-सृजना ढुंगाना-
