काठमाडौँ । फिल्म ‘तिमी हुन्छौ जहाँ जहाँ’ को पहिलो गीत सार्वजनिक भएको छ । काठमाडौँमा पत्रकार सम्मेलन गर्दै फिल्मका निर्माण पक्षले प्रचार प्रसार स्वरुप ‘तिम्रो हर सासमा’ बोलको गीत सार्वजनिक गरेको हो । 
सार्वजनिक भएको यो गीतको भिडियोमा फिल्मका लिड कलाकार मलिना जोशी र मनिष सुन्दर श्रेष्ठ फिचरिङ छन् । अर्जुन पोखरेलको शब्द तथा संगीतमा यो गीतलाई अन्जु पन्त र फिरोज बस्नेतले स्वरबद्ध गरेका छन् । यो गीतको छायाँकन मनाङ, मुस्ताङ लगाएतका रमणीय ठाउँहरुमा गरिएको छ ।
यो फिल्म असार आठ गतेबाट दर्शकमाझ रिलिजमा आउँदै गरेको जानकारी पनि यसै पत्रकार सम्मेलन मार्फत गराईयो । पत्रकार सम्मेलनमा उपस्थित अभिनेत्री मलिना जोशीले फिल्मको कथा राम्रो भएको कारण आफुले फिल्ममा काम गरेकी बताईन् ।
फिल्मलाई बिकास बस्यालले निर्देशन गरेका हुन्, फिल्मको कथा पनि उनको आफ्नै रहेको छ । पत्रकार सम्मेलनमा उपस्थित निर्देशक बस्यालले आफ्नो पहिलो फिल्म भएपनि राम्रो फिल्म बनेको बताए ।
फिल्ममा अभिनेत्री मलिना जोशी, मनिश सुन्दर श्रेष्ठ, स्वरुप पुरुष ढकाल, रवी गिरी लगाएत कलाकारहरुको अभिनय रहेको छ । फिल्मलाई बीएण्डबी फिल्मसको प्रस्तुतीमा मदन दवाडी, दाई चन्द्र दवाडी, हरी प्रसाद अधिकारी लगाएतले निर्माण गरेका हुन् । फिल्मको कार्यकारी निर्माताको रुपमा प्रकाश बास्कोटा रहेका छन् ।
[youtube https://www.youtube.com/watch?v=CRvV8tZ8NpM]
यो पनि पढ्नुहोस्ः
पत्रकार सम्मेलनमै अभिनेत्री मलिना जोशीले ‘आइएम सिंगल’ भनेपछि….
काठमाडौँ । अभिनेत्री मलिना जोशीले ‘आइएम सिंगल’ भनेकी छन् । काठमाडौँमा आयोजित एक पत्रकार सम्मेलनमा अभिनेत्री जोशीले आफु सिंगल रहेको बताएकी हुन् ।
सो कार्यक्रममा अभिनेत्री जोशी र अभिनेता अनुप बिक्रम शाहीबिच बिगतका दिनहरुमा चलेको अफेयरको बारेमा सोधिएको थियो । सोही प्रश्नको उत्तर फर्काउँदै अभिनेत्री जोशीले अभिनेता शाही एक राम्रो अभिनेता रहेको बताएकी छन् । त्यस्तै अभिनेता शाही नेपालको नम्बर वान अभिनेता भएको हेर्न चाहेकी पनि बताउँदै ‘आईएम सिंगल’ भनेकी हुन् ।
अभिनेत्री जोशीले अभिनेता अनुप विक्रम शाही एक राम्रो कलाकार भएको बताउँदै भनिन्, ‘उनी एक राम्रो कलाकार हुन् । मैले अनुप नेपालको नम्बर वान अभिनेता भएको हेर्न चाहन्छु र त्यही कामना पनि गर्छु ।’
यसो भनिरहँदा अभिनेत्री जोशीले आफ्नो सम्बन्धको बारेमा भने केही बोलिनन् । त्यस्तै केही महिना अघि मिडियामा आएको अर्का कलाकार सारुक ताम्राकारसँगको सम्बन्धको बारेमा पनि सोधिएको थियो । मलिनाले सो समाचारको खण्डन गर्दै सारुक आफ्नो मिल्ने साथी भएको बताईन् ।
त्यस्तै अभिनेत्री जोशीले एक पटक क्लवबाट पिएर निस्किएकी भन्ने समाचार भने बिलकुलै गलत भएको बताएकी छन् । उनले भनिन्, ‘‘मैले कहिल्यै पनि ड्रिङ्क गर्ने गरेकी छुइन । मिडियामा आएको समाचार पुरै गलत हो । हो, म क्लव गएकी थिए तर ड्रिङ्क गरेकी थिईन र ड्रिङ्क गर्ने बानी पनि छैन ।’’
अभिनेत्री जोशीले आफु एक कलाकार तथा पुर्व मिस नेपाल भएको नाताले त्यस्तो गरेर हिँड्न आफ्नो इथिक्सले नदिने पनि बताईन् । अभिनेत्री जोशी अभिनित आगामी फिल्म ‘तिमी हुन्छौ जहाँ जहाँ’ हो । यो फिल्म आगामी जेठमा रिलिजमा आउँदैछ ।
यो समाचार न्युज २४ नेपालबाट लिईएको हो ।
){kind=link}