प्रदिप खड्का अभिनित चलचित्र ‘लिलीबिली’ले काठमाडौँको मल्टिप्लेक्समा २५ शो पाएको छ ।शुक्रवारबाट प्रदर्शनमा आउन लागेको चलचित्रले ललितपुरको लाबिम मलमा ६ शो, काठमाण्डौको सिभिल मलमा ६ शो, यस्तै कुमारी हलमा ५ शो, जय नेपाल हलमा ३ शो र छाया सेन्टरमा ५ शो पाएको हो ।
प्रदर्शन अगावै चर्चा बटुल्न सफल रहेको चलचित्र लिलीबिलीलाई मिलन चाम्सले निर्देशन गरेका हुन् ।नव–नायिका जसिता गुरुङ र प्रदिप खड्काको मूख्य अभिनय रहेको चलचित्रलाई बुधवारबाट बुकिङ खुल्ला गरिएता पनि बिहीबार बिहान सम्म चलचित्रको तिन सोको बुकिङ भइसकेको छ । नायक प्रदीप खड्काको बढ्दो क्रेजको कारण बिहानी शो नै हाउसफुल रहने अनुमान गरिएको छ ।
यो समाचार न्युज २४ नेपालबाट लिईएको हो ।
