काठमाडौं । नायिका करिश्मा मानन्धर यति खेर एसईई परीक्षाको तयारीमा छिन् । अभिनय यात्रामा लागेर अपुरो रहेको आफ्नो अध्ययन पुरा गर्नका लागि उनी यतिखेर लागि परेकी छन् । १४ वर्षको उमेरमा ८ कक्षा पढ्दापढ्दै पढाई छाडेर अभिनयमा लागेकी करिश्मा ४४ वर्षको उमेरमा विद्यालय भर्ना भएर आफ्नो पढ्ने रहर पूरा गर्दैछिन् ।करिश्माले मैतिदेवीस्थित त्रिवेणी स्कुलमा कक्षा १०मा अध्ययन गरिरहेकी छिन् ।
फिल्म र राजनीतिलाई पछाडी राखेर पढाईलाई विशेष प्राथमिकता दिएको मानन्धर बताउँछिन् । एसईई परिक्षाको तयारीमा रहेकी करिश्मा उत्कृष्ट नतिजाको लागि पनि एक्सट्रा क्लासहरु लिईरहेकीछिन् । एसईई परिक्षा भन्दा अगाडी कुनै फिल्ममा पनि काम नगर्ने बताएकी करिश्मा राम्रो अंकका साथ परिक्षा उत्तिर्ण गर्न चाहिन्छन् ।
यो समाचार न्युज २४ नेपालबाट लिईएको हो ।
