काठमाडौं । तीन जना गाउँले युवाहरुको कथामा फिल्म ‘माछा माछा’ बन्ने भएको छ । यो फिल्मको निर्माण पक्षले काठमाडौंको गौरीघाटलाई लोकेशन बनाउँदै छायांकन सुरु गरेको छ । यो फिल्मको एक्शन कट सुनिल गुरुङले गरिरहेका छन् ।
यो फिल्मले शहरमा स्थापित गर्नका लागि ३ जना गाउँले यूवाहरुले गर्ने संघर्षको कथालाई पर्दामा प्रस्तुत गर्नेछ । यो फिल्मलाई कमेडी जन्रामा राखिएको छ ।
यो फिल्ममा अभिनेता सौगात मल्ल, नम्रता श्रेष्ठ, विजय बराल, अनोज पाण्डे, प्रविण खतिवडा, सरिता गिरी, भोलाराज सापकोटा, कमलमणी नेपाल लगाएत कलाकारहरुको मुख्य भूमिका रहनेछ ।
निर्माण पक्षले बताएअनुसार काठमाडौं, भक्तपुर र ललितपुर यो फिल्मको छायाङकन गरिनेछ । यो फिल्मको छायांकन १ महिनामा सक्ने निर्माण टिमको योजना रहेको छ ।
फिल्मलाई रामबाबु गुरुङ, मणिराम पोखरेल र ओमचन्द्र रौनियारले संयुक्त रुपमा निर्माण गर्दैछन् ।
यो समाचार न्युज २४ नेपालबाट लिईएको हो ।
