काठमाडाैँ। चलचित्र पत्रकार संघ, नेपालले आफ्नो १९ औं बाषिर्कोत्सवको अवसर पारेर काठमाण्डौमा एक भव्य कार्यक्रमको आयोजना गर्दै यस बर्षको ‘चलचित्र सम्मान तथा पुरस्कार’ प्रदान गरेको छ ।
सूचना तथा संचार राज्यमन्त्री गोकुल प्रसाद बाँस्कोटाको प्रमुख आतिथ्यतामा आयोजना भएको कार्यक्रममा चलचित्र पत्रकार संघ नेपालले ‘चलचित्र पत्रकारिता सम्मान’ दयाराम पाण्डे र ध्रुव लम्साललाई प्रदान गरेको छ ।
त्यसैगरी ‘चलचित्र पत्रकारिता पुरस्कार’ लक्ष्मण सुवेदी र सन्ध्या थापालाई दिएको छ। उनीहरुलाई, नगद २१ हजार, सम्मानपत्र, ट्रफीबाट सम्मानित गरिएको थियो ।
गतबर्षदेखि चलचित्र पत्रकार संघले सुरुवात गरेको ‘चलचित्र पत्रकारिता प्रोत्साहन पुरस्कार’बाट पत्रकार मनिष दाहाललाई पुरस्कृत गरिएको थियो । उनलाई, ल्यापटम, ट्रफी प्रदान गरियो ।
सञ्चार तथा सूचना प्रविधि राज्यमन्त्री गोकुल प्रसाद बाँस्कोटाले सम्मानित तथा पुरस्कृत पाँच जना चलचित्र पत्रकारलाई सम्मान पत्र हस्तान्तरण गरे ।
यो समाचार न्युज २४ नेपालबाट लिईएको हो ।
