सरोज यादव, विराटनर ।
विराटनगरको महेन्द्रचोक नजिकै पार्किङ गरि राखिएको यात्रु बाहक मिनि बसमा गएराति आगलागी भएको छ ।
एस.लाल पेट्रोलपम्पको नजिकै पश्चिमतर्फ जाने बाटो छेउमा पार्किङ गरि राखिएको श्री गणेश ट्राभल्सको को १ ख ४३६१ नम्बरको यात्रु बाहक मिनि बसमा आगलागी भएको हो ।
आज बिहान ३ बजेतिर पछाडिको टायर छेउबाट सल्किएको अनुमान गरिएको आगलागीबाट बसमा पुर्णरुपमा क्षति पुगेको छ । सो बिषयमा जानकारी दिनुहुंदै मोरङका एसपी मनोजकुमार केसीले आगलागीको बिषयमा अनुसन्धान शुरु गरिएको बताउनुभयो ।
उहांले आगलागी भएको बसकै छेउमा अन्य कम्पनीका थप तीनटा बसहरु पार्किङ गरि राखिएको भएपनि अन्य बसमा क्षति नपुगेको तर अलिक पूरानो जस्तो देखिने सो बसमा आगलागी हुनुको कारणको बिषयमा अनुसन्धान भईरहेको बताउनुभयो । उहांले लामखुट्टे धपाउन प्रयोग गरिने धुप वा अन्य कुनै कारणले घटना भएको बिषयमा छानबिन भईरहेको बताउनुभयो ।
यो समाचार न्युज अफ नेपालबाट लिईएको हो ।
