नेपाल समाचारपत्र, काठमाडौं ।
नेपाल–भारत पेट्रोलियम पाइपलाइन परियोजनाअन्तर्गत १२ किलोमिटर पाइप बिछ्याइएको छ। नेपाल आयल निगमले गत महिनादेखि पाइप बाराको जीतपुरबाट पाइप बिछ्याउने काम थालेको थियो।
बिच्छाएको पाइपलाइनबाट पहिलो चरणमा डिजेल आयात गरिने निगमले जनाएको छ । बाराको जीतपुर–सिमराबाट पाइप बिछ्याउने काम थालेको थियो । निगमले पेट्रोलियम पदार्थमध्येमा डिजेलको माग हाल बजारमा उच्च रहेकाले डिजेलको मागलाई सम्बोधन गर्नको लागि पहिलो चरणमा पाइपलाइनबाट डिजेल आयात गर्न लागिएको निगमले जनाएको छ।
मोतिहारी–अमलेखगञ्ज हु“दै पाइपलाइन विस्तार हुनेछ, मोतीहारी–रक्सौल पेट्रोलियम पाइपलाइन ३२ दशमलव ७८ किलोमिटर रहेको छ भने रक्सौल–अम्लेखगन्ज भने ३६ दशमलव २८ किलोमिटर रहेको छ।
कुल २ अर्ब ७५ करोड भारतीय रुपिया“मा परियोजना निर्माण हुन लागेको हो। त्यसमध्ये भारतीय आयल निगम (आईओसी) को २ अर्ब र नेपाल आयल निगम (एनओसी)को ७५ करोड भारतीय रुपिया“ खर्च हुनेछ। बरेली नाकाबाट आयात हु“दै आएको पेट्रोलियम पदार्थ भने अब मोतिहारीमा नै आईओसीले डिपो निर्माणस“गै सोही स्थानबाट आयात गर्नेछ।
भारतबाट ल्याइएको करिब ११ मिटर लम्बाई रहेको १० दशमलव ७५ इन्च मोटाइको माइल स्टिल एमएस पाइपबाट प्रतिघण्टा २ सय ९४ किलोलिटर पेट्रोलियम पदार्थ आयात हुनेछ। रक्सौल–अमलेखगन्ज पेट्रोलियम पाइपलाइन परियोजनाका मेकानिक इन्जिनियर सरोजप्रसाद पौडेलका अनुसार हालसम्म ३७ किलोमिटरनै पाइप आएको र बा“की अरू साना ठूला पाइप आउने क्रममा रहेको बताउनुभयो।
अहिले पाइप लाइन बिच्छाउने मार्गमा पर्ने पोल हटाउने काम पनि जारी रहेको पौडेलले जानकारी दिनुभयो। उहा“का अनुसार सडकमार्गमा रहेको अवरोध हटाउ“दै पाइलाइन विस्तार गरि“दै छ । परियोजनामा अरू थप पाइप बिच्छाउनको लागि रेडियोग्रफी टेस्ट गरि“दै वल्डिङ गरी बिछ्याउनको तयार पारि“दै गएको समेत पौडेलले बताउनुभयो।
काम शुरू भएको १५ महिनामा भारतको मोतीहारीबाट निगमको अमलेखगन्जस्थित डिपोमा जोडिने निगमको दाबी छ। सन् २०१५ को अगस्ट २४ मा नेपाल आयल निगम र भारतीय आयल कर्पोरेसनबीच सो परियोजना निर्माण गर्ने सहमति भएको थियो। सहमतिमा काम शुरू भएको २ वर्ष्भित्र सक्ने सहमति भए पनि नाकाबन्दीले गर्दा आयोजनाले गति लिन सकेको थिएन भने आयोजनामा दुवै पक्षको नीतिगत निर्णयमा ढिलाइ हुँदा निर्माण प्रक्रिया ढिलो शुरू भएको थियो।
पेट्रोलियम पाइपलाइनको शिलान्यास प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीले मोतिहारी–अम्लेखगन्ज पेट्रोलियम पाइपलाइन परियोजनाको चैत २५ गते गर्नु भएको थियो। प्रधानमन्त्रीद्वयले दिल्लीबाट रिमोटमार्फत् परियोजना शुभारम्भ गर्नु भएको थियो भने मोतिहारीमा पाइप बिछउने काम शुरू गरिएको थियो।
यो समाचार न्युज अफ नेपालबाट लिईएको हो ।