बाजुरा, (नेस)
बाजुराको बडिमालीका नगरपालिका–४ तिपाडामा करेन्ट लागेर एक जनाको मृत्यु भएको छ । मृत्यु हुनेमा बडिमालीका नगरपालीका–५ का जनक बहादुर साँउद रहेको जिल्ला प्रहरी कार्यालय बाजुराले जनाएको छ ।
मृतक साउद मिटरवक्समा जडान गर्ने कालोतार जडान गर्नाका लागी पोलमा गएको र तार जडान गर्ने क्रममा विद्युत गृहबाट सर्टडाउन नमाग्दा करेन्ट लागेर मृत्यु भएको बताईएको छ । वर्ष २२ का साँउदले पोलमा उक्लीदा प्रयोग गर्नुपर्ने विद्युतीय सुरक्षाका सामग्रीहरु सेफ्टी बेल्ट, पन्जा, जुत्ता, लाइनटस्टर जस्ता कुनै पनि सामग्रीको प्रयोग नगर्दा घटना भएको हुनसक्ने बताईएको छ ।
तिन वर्ष अगाडी संचालनमा आएको उक्त विद्युत गृहबाट कोर्ध, रिला, जडांगा लगाएका ठाँउमा वितरण भैरहेको छ । मृतक साँउदको पोष्ट मार्टमका लागी जिल्ला अस्पताल लगिँदै गरेको छ । यता कोर्दालिगाड लघु जलविद्युत आयोजनाका प्रमुख भिम बहादुर थापालाई बुझदा स्वयम साँउदको कमजोरी रहेको जानकारी दिनुभयो ।
यो समाचार न्युज अफ नेपालबाट लिईएको हो ।
